Оилавий болалар уйлари фарзандлари ва уларнинг ота-оналарини байрам билан табриклашди
Миллий гвардия Фарғона вилояти бўйича бошқармаси ҳарбий хизматчи ва ходимлари бошқарма бошлиғи Ш. Акбаров бошчилигида вилоятда ташкил этилган оилавий болалар уйларига ташриф буюриб, болалар ва уларнинг ота-оналарини муқаддас айём билан табриклашди.
Шундай қилиб, гвардиячилар Фарғона туманида яшовчи Валиевлар ҳамда Фарғона шаҳрида истиқомат қилувчи Рахмоновларнинг хонадонларида бўлишди.
Болалар меҳмонлар ташрифи ва улар билан мулоқотга киришишдан хурсанд бўлишди. Оила фарзандлари меҳмонларга ёзги таътилни қандай ўтказаётганлари ҳақида гапириб беришди. Валиевлар оиласи фарзандлари бўлса чет тилини ўрганиш бўйича қўлга киритган ютуқлари ҳақида завқ билан сўзлаб бердилар. Қизлар чет тилини билаш уларга яна бир ишда – тикиш ва бичиш, кийим дизайни сирларини ўрганиш учун ҳам қўл келаётганини таъкидлаб ўтишди.
Чет тилини ўзлаштирганликлари ҳақида Рахмоновлар оиласи фарзандлари ҳам ғурур билан айта оладилар. Расм чизиш сирларини рассомлик тўгаракларида ўрганган бўлсалар, чиройли рақсга тушиш сирларини эса яна бир қизиқарли машғулот, рақс тўгаракларида ўрганганлар. Йигитлар эса футбол тўгаракларида нималарни ўрганганликларини намойиш қилди.
Суҳбат давомида болалар гвардиячилардан ҳарбийлик касбида спортнинг ўрни ва қандай қилиб ватан ҳимоячиси бўлиш мумкинлигига қизиқишди.
