"Оилавий болалар уйи"да тарбия топаётган қизлар ўртасида "Тўмарис издошлари" деб номланган кўрик-танлов бўлиб ўтди
Юқори кайфият ҳамда кўтаринки руҳда бошланган мазкур беллашув ҳакамлар ҳайъати томонидан иштирокчиларнинг билимлари, этикасига мувофиқ имижлари ҳамда тезкорлик, зукколик ва чаққонликлари одилона баҳоланиб борилди.
Шуни алоҳида таъкидлаш жоизки, Бухоро муҳандислик-технология институти ҳамкорлигида бўлиб ўтган ушбу тадбирда, институтнинг санъатга ихлоси баланд талабалари томонидан ижро этилган куй-қўшиқлари тадбирнинг юқори савияда бўлиб ўтишига хизмат қилди.
Тадбир якунида ғолиблар ва фаол иштирокчилар муносиб рағбатлантирилиб, раҳбарият томонидан диплом ва эсдалик совғалари тақдим қилинди.
Мазкур кўрик-танлов ёш қизлар ўртасида соғлом, маънавий-ахлоқий муҳитни янада мустаҳкамлаш, уларнинг маънавий-интеллектуал салоҳияти, онгу-тафаккури ва дунёқарашини юксалтиришга йўналтирилган бўлиб, мустақил ҳаёт остонасига қадам қўя бошлаган бўлажак бекажонларни миллий қадриятларимиз, тарихий-маънавий меросимизга ҳурмат ва садоқат руҳида тарбиялаш, дунёқараши ва фикрлаш доирасини кенгайтириш, ижодий салоҳиятини ошириш, маънавий баркамол шахс бўлиб вояга етишларига кенг замин яратмоқда.
