Оилавий болалар уйлари фарзандлари доим Миллий гвардия ходимлари эътиборида
Миллий гвардия Сурхондарё вилояти бўйича бошқармаси ҳарбий хизматчилари ва ходимлари оилавий болалар уйлари фарзандлари, ҳомийлик ва васийлик остида катта бўлаётган болаларни эътибордан четда қолдирмайди. Куни кеча Миллий гвардия ходимлари М. Холиқов оилавий болалар уйи фарзандлари холидан хабар олдилар.
Ушбу оилада ўтказилган вақт давомида болалар таътил қандай ўтаётганлигини, бутун оила билан қаерларга саёҳатга боришганлари, мактабга нима сотиб олишни режалаштирганликлари, тўгаракларда нимани ўрганганлари ва спортдаги муваффақиятлари, янги дўстлари, севимли китоблари ва ўзлари қизиқиб кўрган фильмлари ҳақида ҳам гапириб беришди. Шунингдек, улар ҳарбий хизматчилардан болалиги ва севимли машғулотлари, мактабда қандай ўқиганликлари, таътил кунлари нималар билан шуғулланишлари ҳақида сўрашди. Шундан кейин ҳамма биргаликда- катталар ва болалар мактаб ва ёз, Ватан ва дўстлик ҳақидаги шеърларни эсладилар.
Ҳарбий хизматчилар ва ходимлар ота-оналар билан ҳам суҳбатлашдилар, болаларнинг турмуш шароитини ўрганди, мактабга тайёргарлик қандай кетаётгани, болаларга нималар зарурлигини ҳам сўрашди.
Хайрлашиш чоғида болалар меҳмонларга соғлиқ, бахт ва тинчлик тилаб, тез-тез ташриф буюришларини айтиб қолишди.
