"Оилавий ҳаёт кўникмалари" номли кўрик-танлов ўтказилди
Жорий йилнинг 30 ноябрь куни Ўзбекистон Республикаси Жамоат хавфсизлиги университети “Ҳарбий-ватанпарварлик, маънавий-маърифий тарбия ва ёшлар билан ижтимоий ишлаш” кафедраси профессор-ўқитувчилари ташааббуси билан Бухоро давлат университети Фаоллар залида Бухоро шаҳар 32-сонли Меҳрибонлик уйи ва Бухоро вилоятидаги Оилавий болалар уйи тарбияланувчилари ўртасида “Оилавий ҳаёт кўникмалари” номли кўрик-танлов ўтказилди.
Ушбу кўрик-танловда 2та жамоа яъни, 32-сонли Меҳрибонлик уйи, Оилавий болалар уйлари, Болалар уйлари билан биргаликда шакллантирилган “Қалдирғоч” ва “Фаровон оила” жамоа тарбияланувчилари иштирок этди.
Танлов шартлари: танишув, “Баҳру-байт” шеърий беллашув, кундалик уй-рўзғор юмушларини (оилавий биргаликда - салат тайёрлаш, қизлар - соч турмаги, ўғил болалар тугма қадаш) бажариш, ижодий мавзу шартлари бўйича беллашдилар.
Кўрик-танлов якуни натижасига кўра, “Қалдирғоч” жамоаси “Энг ижодкор жамоа”, “Фаровон оила” жамоаси эса “Энг зукко жамоа” номинациялари бўйича ғолиблар аниқланди. Кўрик-танлов ғолиблари Фаҳрий ёрлиқ ҳамда эсдалик совғалари билан тақдирландилар.
