ОИЛАВИЙ БОЛАЛАР УЙИ ТАРБИЯЛАНУВЧИЛАРИ ЎРТАСИДА "ОИЛАВИЙ ҲАЁТ КЎНИКМАЛАРИ" НОМЛИ КЎРИК-ТАНЛОВ ЎТКАЗИЛДИ
Жорий йилнинг 12 апрель куни Ўзбекистон Республикаси Жамоат хавфсизлиги университети "Ҳарбий-ватанпарварлик, маънавий-маърифий тарбия ва ёшлар билан ижтимоий ишлаш" кафедраси профессор-ўқитувчилари ташаббуси ҳамда Миллий гвардиянинг Навоий вилояти бўйича бошқармаси билан ҳамкорликда Навоий вилояти Ёшлар маркази биносида вилоятда ташкил этилган "Қувноқ болалар"ва "Янги замон болалари" номли Оилавий болалар уйи тарбияланувчилари ўртасида "Оилавий ҳаёт кўникмалари" номли кўрик-танлов ўтказилди.
Ушбу кўрик-танловда 2 та жамоа яъни, "Ўзбекистон келажаги", "Ёш гвардиячилар" жамоалари тарбияланувчилари иштирок этди.
Мазкур тадбирда иштирокчилар "Таништирув", "Ким билимдон", "Рўзғор ишларида ўзаро ёрдам" (салат тайёрлаш, кийим тахлаш), "Ўз-ўзига хизмат" (қиз болалар учун соч турмаги ҳамда ўғил болалар учун тугма қадаш) бажариш ва "Эркин мавзу" мавзу шартлари бўйича беллашдилар.
Кўрик-танловда ҳайъат аъзолари ва меҳмонлар сифатида кафедра бошлиғи подполковник Акрамова Шаҳноза Абраровна, Миллий гвардия Навоий вилояти батальони командирининг маънавий маърифий ва тарбиявий ишлар бўйича ўринбосари, подполковник Мансуров Содиқжон Каҳрамонович, Навоий вилояти, Қўриқлаш бошқармаси бўлим бошлиғи, подполковник Отабек Рўзиев, Навоий шаҳридаги 12-сонли умумтаълим мактабининг Тарих фани ўқитувчиси Умирова Сабоҳат Қувандиқовна, 17-сонли умумтаълим мактаб ўқитувчиси Насриева Зулфия Исроиловна, 4-сонли умумтаълим мактаби директор ўринбосари Исмоилов Сарвар Шодижоновичлар қатнашди.
Кўрик-танлов якунида иштирокчиларга "Ўзбекистон келажаги" жамоаси "Энг зукко жамоа", "Ёш гвардиячилар" жамоаси эса "Энг ижодкор жамоа" номинациялари бўйича ғолиблар аниқланди ва фахрий ёрлиқ ҳамда эсдалик совғалари билан тақдирландилар.
