Қарши шаҳридаги Ёшлар маркази биносида Қашқадарё вилоятидаги оилавий болалар уйларида тарбияланаётган қизлар ўртасида "Балли қизлар" кўрик танлови ўтказилди
Беш нафар қиз беллашган танлов таништирув, пазандачилик, чучвара тайёрлаш ҳамда эркин мавзу шартлари асосида ўтказилди.
Якуний натижага кўра Касби туманилик Маржона Муҳаммадиева биринчи, Шаҳрисабз туманилик Юлдуз Турсунова иккинчи ҳамда яна бир Шаҳрисабзлик Милана Нижегородсева учинчи ўринни қўлга киритди.
Миллий гвардия Қашқадарё вилояти бўйича бошқармаси, Ёшлар ишлари агентлиги вилоят бошқармаси, агентликнинг "Қизлар овози" клуби, Маънавият ва маърифат маркази вилоят бўлими ҳамда Ёшлар иттифоқи вилоят Кенгаши ҳамкорлигидаги танлов қизғин ўтгани билан аҳамиятли бўлди.
Якунда иштирокчиларга ҳамкор ташкилотларнинг эсдалик совғалари топширилди.