Оромгоҳларда дам олаётган мактаб ўқувчилари учун Миллий гвардия ходимлари ҳарбий-ватанпарварлик тадбирларини ўтказишда давом этишмоқда
Наманган вилоятининг Чуст туманида жойлашган “Меҳржон” ва “Оби ҳаёт” болалар соғломлаштириш оромгоҳларида Миллий гвардия ходимлари томонидан болажонларнинг ёзги таътилларини мароқли ўтказишлари учун "Янги Ўзбекистон ёшлари, бирлашайлик!» шиори остида кенг қамровли спорт ва маданий-марифий тадбирлар ўтказилмоқда.
Оромгоҳларда ташкиллаштирилган ҳарбий анжом-аслаҳалар кўргазмасида ҳарбийлар учун зарур бўладиган барча анжомлар ва замонавий армиянинг куч қудрати ҳақида гапириб беришди. Шахмат спортида турнир ва Камондан ўқ отиш бўйича маҳорат дарслари ўтказилди, шундан сўнг ушбу спорт турига қизиқувчи болалар энг яхши камончи мусобақаларида иштирок этишди. Ёшлар ҳам ўз навбатида меҳмонларга ўзларининг истеъдод ва қобилиятларини намойиш этишди. Кимдир шеър ўқиб, яна кимдир расм чизиб, бошқалари эса рақсга тушиб, қўшиқлар айтишди. Шундан сўнг, гвардиячилар болалар билан орзу ва режалари, севимли китоблари ҳамда спорт ҳақида суҳбатлашишди. Болалар Миллий гвардияда хизмат қилиш, ҳарбийларни тайёрлайдиган таълим муассасалари ҳақида ва Қуролли кучларда қандай мутахассисликлар талаб қилинаётганлигига катта қизиқиш билдиришди.
