Пойтахтимизнинг Яккасарой туманида жойлашган мактабларда Миллий гвардия ходимлари пойтахт ички ишлар органлари, туман мактабгача таълим ва мактаб таълими бўлими вакиллари билан ҳамкорликда вояга етмаганлар ўртасида ҳуқуқбузарлик ҳамда жиноятларнинг олдини олишга қаратилган суҳбатлар ўтказилди.
Тумандаги 319-сонли мактабда 5-6 синф ўқувчилари учун Миллий гвардиянинг Тошкент шаҳар бўйича бошқармаси ходимлари ва Яккасарой тумани ИИБ профилактика инспектори, шунингдек, 91-сонли мактабда эса ходимлар 7-9 синф ўқувчилари, мактабгача ва мактаб таълими бўлими ҳуқуқшуноси иштирокида зўравонликка қарши қандай курашиш кераклиги, нотаниш одамнинг хатти-ҳаракати шубҳа уйғотса, қандай йўл тутиш кераклиги ва нега меҳрибон кўринган бегона одамнинг таклифига рози бўлмаслик кераклиги ҳақида маълумотлар беришди.
Шунингдек, ўқувчи ёшларга ҳуқуқбузарлик ва жиноятчилик аслида нимани англатиши, ўсмирлар қайси сабабларга кўра кўпроқ ҳуқуқбузарликларга йўл қўяётгани ва уларнинг содир этилиши қандай ҳуқуқий оқибатларга олиб келиши тушунтирилиб, тавсиялар берилди.
