Пойтахтимиздаги 30-сонли Меҳрибонлик уйи тарбияланувчилари учун мўлжалланган болалар соғломлаштириш оромгоҳида биринчи мавсумнинг очилиш маросими бўлиб ўтди.
Болажонлар йил бошиданоқ ёз фаслини интизорлик билан кутишади. Ахир, ёз – қуёшда тобланиш, мактаб ва дарслардан дам олиш, қизиқарли саёҳатлар ҳамда севимли оромгоҳда янги дўстлар билан ҳордиқ чиқариш учун энг қулай фурсатдир.
Пойтахтимиздаги 30-сонли Меҳрибонлик уйи тарбияланувчилари омадли огил-қизлар қаторидан: Боиси уларнинг Бўстонлиқда жойлашган сўлим тоғлар бағрида ўз соғломлаштириш оромгоҳи бор. Болажонлар оромгоҳни ўзларини тилида дача деб аташади. Улар июнь ойида бу ерга ташриф буюришиб, август ойида яна шаҳарга қайтадилар.
Мазкур оромгоҳда мазмунли дам олиш учун барча шароитлар яратилган: мевали даратлар, спорт ва ўйин майдончалари, футбол ҳамда рақс тогараклари ва болажонлар учун энг муҳими салқин сув билан тўлдирилган ҳовуз. Ташкилотчилар ва ҳомийлар томонидан амалга оширилган таъмирлаш ишларидан сўнг оромгоҳ янада гўзал ва файзли бўлди.
Оромгоҳнинг мавсумий очилиш маросимига Миллий гвардия, Ўзбекистон экологик партияси, " Ҳаёт қаровсиз қолган ҳайвонларни ҳимоя қилиш жамияти" ҳомийлари ва волонтёрлари ташриф буюришди.
Тадбирнинг расмий қисмидан кейин Миллий гвардия оркестри томонидан куйланган ватанпарварлик руҳидаги қошиқлар ҳамда ҳарбий химзачиларнинг коргазмали чиқишлари барчага котаринки руҳ багишлади.
Байрам кечаси анъанавий гулхан ёқиш, болаларга совғалар тақдим этиш ва қувноқ рақслар билан якунланди.
