Пойтахтимиздаги Меҳрибонлик уйларида “Ёнғин хавфсизлиги қоидаларига риоя қилиш” мавзусида ўқув машғулоти ташкил этилди.
"Ёнғин хавфсизлиги ойлиги" муносабати билан пойтахтимиздаги 22 ва 30-сонли Меҳрибонлик уйларида Яшнобод ва Чилонзор тумани ФВБ бўлими ходимлари томонидан “Ёнғин хавфсизлиги қоидаларига риоя қилиш” мавзусида ўқув машғулоти ташкил этилди.
ФВБ ходимлари ўғил-қизларга ёнғин хавфсизлиги бўйича тушунча ва тавсиялар бериб, айниқса, лоқайдлик, бепарволик, ёнғин хавфсизлиги қоидаларига риоя қилмаслик ва болаларнинг олов билан ўйнашлари натижасида юзага келиши мумкин бўлган хавф-хатарларни эслатишди.
Шунингдек, ёнғин содир бўлганда қандай ҳаракат қилиш кераклиги ҳақида маълумот берилиб, хавфсизлик қоидаларини ўзида жамлаган буклетлар ва эслатмалар тарқатилди.
Энг муҳими машғулот давомида ўғил-қизлар ёнғин хавфсизлиги қоидаларига риоя этиш бўйича назарий билим ва амалий кўникмаларга эга бўлишди.
