Қашқадарё: беш нафар бола энди оила муҳитида вояга етади
Ўзбекистон Республикаси Президентининг 2021 йил 09 август кунидаги “Етим болалар ва ота-она қарамоғидан маҳрум бўлган болаларни тарбиялашнинг янгиланган тизимини жорий этиш чора-тадбирлари тўғрисида”ги 5215-сонли Қарорига мувофиқ, Қашқадарё вилояти Қамаши туманида ҳам бир кунда иккита “Оилавий болалар уй”лари ташкил этилди.
Қамаши тумани “Обод” МФЙ Бодомзор кўчаси-29 уйда яшовчи Г.Чориева 5 нафар болаларни, Қамаши тумани “Улуғбек” МФЙ Улуғбек кўчаси 24-уйда яшовчи фуқаро Г.Алланазарова ҳам 5 нафар болаларни, Қамаши туманида жойлашган 4-сонли “Меҳрибонлик уйи”да тарбияланаётган болаларни ўз қарамоғларига олиб, ушбу болаларни оила муҳитига тарбиялаш учун юксак намуна кўрсатдилар. Ташкил этилган “Оилавий болалар уй”ларнинг бугун тантанали равишда очилиш тадбири бўлиб ўтди. Ўтказилган ушбу тадбирга вилоят ҳалқ таълими ҳамда Ўзбекистон Республикаси Миллий гвардияси Қашқадарё вилояти бўйича бошқармасининг масъул ходимлари иштирок этдилар.
Тадбирда иштирок этган кенг жамоатчилик вакиллари, “Оилавий болалар уй”ларини ташкил этган хонадон эгаларига, бошлаган ҳайрли ва саховатли ишларига улкан муваффақиятлар тиладилар.
