БОЛАЛАР ХАВФСИЗЛИГИНИ КЎЗЛАБ
Навоий шаҳар “Ватанпарвар” ЎСТКда Миллий Гвардия Навоий вилояти бўйича бошқармаси масъул ходимлари ҳамкорлигида Оилавий болалар уйи фарзандлари иштирокида “Диққат, пиёда” тадбири доирасида ўқув машғулотлари ўтказилди. Бундан кўзланган асосий мақсад болалар иштирокидаги йўл-транспорт ҳодисаларини олдини олишдан иборатдир.
Унда пиёдаларнинг мажбуриятлари, йўлнинг тартибга солинган жойларидан кесиб ўтиш, йўлларда хавфсиз ҳамда колонна бўлиб ҳаракатланиш тартиби тушунтирилди. Ҳаракатланиш маданияти тарғиб қилиниб, йўл белгилари, тартибга солувчининг ишоралари мазмун-моҳиятига доир маърузалар қилинди.
Ёшларга Навоий вилояти ИИБ ЙҲХБ томонидан ишлаб чиқилган рамзий белги, пиёдалар хавфсизлигини назарда тутувчи буклетлар тарқатилди. Тадбир давомида иштирокчиларнинг савол-жавоблар орқали олган билим ва кўникмалар синовдан ўтказилди.
