"РАНГЛАР ЖИЛОСИДА – ОНА ДИЁР" РАСМЛАР КЎРИК–ТАНЛОВИ БЎЛИБ ЎТДИ
Мамлакатимиз мустақиллигининг ўттиз бир йиллик шодиёнаси арафасида "Ранглар жилосида – она диёр" расмлар кўрик – танлови ташкил этилди.
Эътироф этиш жоизки, мазкур тадбир Ўзбекистон Республикаси Президентининг Ёшлар маънавиятини юксалтириш, уларнинг бўш вақтини мазмунли ташкил этиш бўйича биринчи ташаббусини амалга оширишда ҳам муҳим аҳамият касб этади.
Тадбирни ўтказишдан мақсад, ёш истеъдодларнинг санъат ва маданиятга бўлган қизиқишларини янада ошириш, иқтидорли ёшларни аниқлаш, уларни тасвирий санъатга ва бадиий ижодга бўлган қизиқиш ва эътиборини мустаҳкамлашдан иборат.
Тадбирда, Миллий гвардия Бухоро вилояти бўйича бошқармаси, Қўриқлаш бошқармаси ҳарбий хизматчи, ходимлари ҳамда уларнинг фарзандлари, Оилавий болалар уйининг истеъдодли ёшлари иштирок этдилар.
Иштирокчилар қалбида мазкур тадбирнинг аҳамияти жуда катта бўлди, негаки бу рассомчиликка озгина бўлса-да, иқтидори ва истеъдоди бўлган ёшларнинг меҳнатини юзага чиқаришга кўмак берадиган тадбир бўлганлиги, шубҳасиз.
Шу билан бирга, ёш ҳаваскор мусаввирлар томонидан чизилган суратларга диққат билан тикилар экансиз, мавзуларнинг ранг-баранглиги киши диққатини тортади.
Очиқ осмон остида, Бухоро шаҳридаги сўлим масканлардан бири "Кўҳна ва боқий Бухоро монументи"да ташкил этилган мусобақа якунида, масъуллар томонидан ғолиб деб топилган иштирокчилар диплом ва эсдалик совғалари билан тақдирландилар.
