Энг моҳир мерган
28.6.2023
970
Бухоро вилоятда ташкил этилган оилавий болалар уйлари фарзандлари дам олаётган “Пешку” болалар соғломлаштириш оромгоҳида Бухоро вилояти Пешку тумани “Қўриқлаш” бўлими ходимлари томонидан камондан ўқ отиш спорт тури бўйича мусобақа ўтказилди.
Мусобақа аввалида гвардия ходимлари болаларга маҳорат дарсларини ўтдилар. Болаларга камон қандай ясалгани, уни қандай тутиш кераклиги, ёйни қандай қилиб тўғри тортиш кераклиги ҳақидаги маълумотлар бериб ўтилди. Болалар бироз машқ қилиб олгач мусобақа бошланди.
Мусобақа кўтаринки кайфиятда ўтди. Ҳар бир иштирокчи ғалаба қозонишни хоҳласа ҳам, болалар тан олганидек, дўстлик ҳар доим ва ҳар қандай вазиятда ҳам ғалаба қозонади.
