Ҳақиқий бахт - бу фарзандингизнинг орзуси амалга ошганидир.
"Меҳрибон қалб" ва "Мурғак қалб" номли Оилавий болалар уйларига Фурқат тумани ҳокими Жаҳонгир Жуманов, Фарғона вилояти Миллий гвардия бошқармаси вакиллари ва туман Ички ишлар бўлими бошлиғи Тўрабек Эгамбердиевлар ташриф буюрди. Меҳмонлар болаларнинг яшаш шароитларини кўздан кечириб, ота-оналар ва болалар билан мактабдаги ўқиш жараёнлари, маҳалладаги янги дўстлари, иш ва дам олиш кунлари қандай ўтаётгани ҳақида суҳбатлашдилар.
Бу каби суҳбатларнинг номигагина ўтказилмаётганлиги "Меҳрибон қалб" номли Оилавий болалар уйининг фарзандига тақдим этилган совғадан ҳам маълум: Шаҳнозахон Абдуллаева тикув машинасини орзу қилар эди. Бугун унинг яна бир орзуси ушалди. Бундан ташқари, Миллий гвардия вакилларининг ёрдами туфайли эндиликда Шаҳноза туман бандликка кўмаклашиш марказида ташкил этилган касб-ҳунар курсларида тикувчилик бўйича таълим олади.
– Бувим бизга тез-тез касб-ҳунарли инсон ҳеч қачон хор бўлмаслигини айтардилар. Шунинг учун мен тикувчи ва дизайнерлик касбини танладим. Мен доим тикув машинасига эга бўлишни, шунингдек, ҳақиқий тикувчилардан маҳорат сабоқларини олишни хоҳлардим. Орзуимни амалга оширишда яқиндан ёрдам берган барчага ўз миннатдорчилигимни билдираман!
"Бахт-бу фарзандингизнинг орзуси амалга ошганидир", деди Шаҳнозанинг онаси Ҳуррият Комилова.
