Сенат вакилининг Оилавий болалар уйи фарзандлари ва уларнинг ота-оналари билан очиқ мулоқоти
Ўзбекистон Республикаси Олий Мажлиси Сенатининг Хотин-қизлар ва гендер тенглик масалалари бўйича қўмита аъзоси сенатор Маруфова Гулнора Махмудовна Миллий гвардия Қўмондонлиги ҳамда Республика Ҳарбий прокуратураси масъул раҳбарлари билан бирга Андижон вилоятида ташкил этилган 4- сонли "Меҳрли қалблар макони" Оилавий болалар уйида етти нафар фарзандни тарбиялаётган Қурбоновлар оиласига ташриф буюришди .Ташрифда болалар билан дилдан суҳбат қуришди ва улар бўш вақтларида тикувчилик, пазандачилик, қандолатчилик ҳамда манзарали гуллар ижод маҳсулини яратиш билан шуғулланаётганликларидан хурсанд бўлишди. Шунингдек, мутасаддилар томонидан болажонларнинг келажакдаги режалари, орзу истакларини рўёбга чиқариш мақсадида ҳар қандай муаммоли масалалар юзасидан мурожаат қилишлари бўйича айтиб ўтилди.
Меҳмонлар улашган совғалар болажонлар қалбини қувончга тўлдирди десак муболаға бўлмайди.
Бу каби учрашувлар Оилавий болалар уйларида яратилган шарт-шароитларни тўлиқ ўрганиш ҳамда мавжуд муаммолар, таклифлар ҳақида улар билан яқиндан суҳбатлашишга замин яратади.
