Меҳрибонлик уйининг ўн олти ёшли тарбияланувчиларига идентификация ID-карталари топширилди
Тошкент вилояти ИИБ Миграция ва фуқароликни расмийлаштириш бошқармаси томонидан Бўка шаҳрида жойлашган 15-сонли Меҳрибонлик уйининг 16 ёшга тўлган олти нафар тарбияланувчиларига асосий ҳужжат ҳисобланган -ID-карта кўринишидаги фуқаролик ҳужжати топширилди.
Мутасаддилар аввало, мазкур ҳужжат билан тарбияланувчиларни табриклади, шу билан бирга, ID-карта шахсни ва фуқароликни тасдиқловчи ҳужжат эканлигини ҳамда унда эгасининг шахсий биографик ва биометрик маълумотлари бўлган электрон ташувчи мавжудлигини тушунтирди.
Шунингдек, мутахассислар томонидан ID-картанинг амал қилиш муддати кўрсатилиб, агар, фуқаронинг фамилияси ёки бошқа маълумотлари ўзгарса, бундай ҳолларда биометрик маълумотларни йиғиш нуқтасига мурожаат қилиш зарурлиги ҳақида тавсия берилди.
