Сўраган эдингиз- жавоб берамиз
Миллий гвардияга болаларни ўз тарбиясига олиб, Меҳрибонлик уйидан олиб кетиш учун қаерга мурожаат қилиш кераклиги, васийлик ёки ҳомийликни расмийлаштириш учун қандай ҳужжатлар кераклиги, васийлик ва ҳомийлик ўртасидаги фарқ нимада каби турли саволлар келиб тушмоқда. Бугун биз энг кўп бериладиган саволларга жавоб берамиз.
Васийлик, ҳомийлик ёки фарзандликка олишни рўйхатдан ўтказиш учун зарур бўлган ҳужжатлар.
1. Турар жойдан оила аъзолари кўрсатилган маълумотнома (Форма-17)
2. Иш жойидан маоши кўрсатилган маълумотнома
3. Тавсифнома (иш жойидан)
4. Ҳайъат комиссиясининг тиббий хулосаси поликлиникадан ва СПИД марказидан маълумотнома.
5. Наркология диспансеридан ҳисобда турмаслиги ҳақида маълумотнома (Ягона дарча)
6. Руҳий асаб касалликлари диспансеридан ҳисобда турмаслиги ҳақида маълумотнома. (Ягона дарча)
7. Тери таносил касалликлари диспансеридан ҳисобда турмаслиги ҳақида маълумотнома
8. Сил касалликлари диспансеридан ҳисобда турмаслиги ҳақида маълумотнома
9. Муқаддам судланмаганлиги ҳақида маълумотнома (Ягона дарча)
10. Ота-оналик ҳуқуқидан маҳрум қилинмаганлиги ёки ота-оналик ҳуқуқи чекланмаганлиги, қонун билан белгиланган тартибда муомалага лаёқатсиз ёки муомала лаёқати чекланган деб топилмаганлиги тўғрисида маълумот (ўзи яшаб турган туман фуқаролик судидан)
11. Паспорт, никоҳ гувоҳномалари ( асли, нусхаси), никоҳи бўлмаса Архив ЗАГСдан маълумотнома.
12. Фарзандларининг туғилганлик ҳақида гувоҳномалари нусхаси (бор бўлса)
13. Турар жойи ҳақида маълумот (уй-жойи ордери, плани, олди сотди шартномаси)
14. Фарзандликка олувчиларнинг таржимаи ҳоли
15. Яшаш шароити тўғрисида далолатнома ва боланинг кейинги ҳаёти, соғлигини назорати тўғрисида кафолат хати ВМ нинг 739-сонли қарори асосида (Яшаш жойидаги туман хокимлиги Бола ҳуқуқларини ҳимоя қилиш шўбаси)
