“ОИЛАВИЙ ҲАЁТ КЎНИКМАЛАРИ” КЎРИК-ТАНЛОВИ ЮҚОРИ ШУКУҲДА БЎЛИБ ЎТДИ.
Ўзбекистон Республикаси Жамоат хавсизлиги университети “Ҳарбий-ватанпарварлик, маънавий-маърифий тарбия ва ёшлар билан ижтимоий ишлаш” кафедраси профессор-ўқитувчилари ташаббуси ҳамда Миллий гвардиянинг Андижон вилояти бўйича бошқармаси билан ҳамкорликда Андижон вилояти қўғирчоқ театрида Андижон вилояти Болалар шаҳарчаси ва Андижон вилоятидаги Оилавий болалар уйи тарбияланувчилари ўртасида “Оилавий ҳаёт кўникмалари” номли кўрик-танлов ўтказилди.
Ушбу кўрик-танловда 3 та жамоа яъни, “Келажак ниҳоллари”, “Мусаффо қалблар”, “Ёш гвардиячилар” жамоалари тарбияланувчилари иштирок этди.
Кўрик-танловда ҳайъат аъзолари ва меҳмонлар сифатида кафедра бошлиғи подполковник Акрамова Шахноза Абраровна, Андижон вилояти Болалар шаҳарчаси директори Носирова Муаззам Ўрмонбековна, директор ўринбосари Норбўтаев Самандар Абдубакирович, Миллий гвардия Андижон вилояти бўйича бошқарма бошлиғининг Ёшлар масалалари бўйича ўринбосари Мамутов Жаҳонгир Равшанович, Андижон вилояти Халқ таълими бошқармаси Болаларни ҳимоя қилиш шўъба мудири Атабаев Сарвар Ядгарович, 35-сонли давлат ихтисослаштирилган мактаб директори Исломова Ранохин Топволдиевалар қатнашди. Ушбу кўрик-танловга Болалар шаҳарчаси, Оилавий болалар уйи тарбиячилари, психологлари, тарбияланувчилар, Миллий гвардия бошқармаси томонидан бириктирилган психологлар, Миллий гвардия Андижон вилояти бўйича бошқармасининг муддатли ҳарбий ҳизматчилари ҳамда Андижон вилояти Андижон шаҳридаги 200 нафар 35-сонли давлат ихтисослаштирилган мактаб ўқувчилари, 3-сонли касб-ҳунар коллежи, жами 300 нафардан зиёд қатнашувчилар қамраб олинди.
Кўрик-танлов якунида иштирокчиларга “Келажак ниҳоллари” жамоаси “Энг зукко жамоа”, “Мусаффо қалблар” жамоаси эса “Энг Ижодкор жамоа”, “Ёш гвардиячилар” жамоаси “Энг фаол жамоа” номинациялари бўйича ғолиблар аниқланди ва фаҳрий ёрлиқ ҳамда эсдалик совғалари билан тақдирландилар.
