“Ҳумо” оромгоҳи болаларни ўз бағрига қабул қилди
21.7.2023
1173
Бухоро вилоятидаги оилавий болалар уйлари фарзандлари доим ёзги таътилни оромгоҳга бориб, ёзни мароқли ўтказишни интизорлик билан кутадилар.
Мевали дарахтлар, шинам ётоқхоналар, мазали таомлар, гўзал табиат қўйнидаги мусаффо ҳаво, энг муҳими, салқин сувли улкан бассейн – бу болаларга катта завқ бағишлайди.
Олдинда ўғил-қизларни турли қизиқарли ўйинлар, кучлилар, энг эпчил ва моҳирлар учун мусобақалар кутмоқда. Таътилда бўш вақтини мутолаа қилиш билан ўтказишни афзал кўрадиганлар учун эса турли жанрлаги адабиётлар танловига эга кутубхона мавжуд.
Бир сўз билан айтганда, оромгоҳдаги ёзги таътил қизиқарли ва унутилмас ўтади.
