Фарғона вилоятида ташкил этилган "Оилавий болалар уйлари"нинг қиш мавсумига тайёрлиги кўздан кечирилди
Фавқулодда ҳолатлар ва бахтсиз ҳодисаларни содир этилишини олдини олиш, тарбияланувчи болаларни хавфсизлигини таъминлаш мақсадида Миллий гвардия Фарғона вилояти бўйича бошқармаси Фавқулодда вазиятлар бошқармаси, газ ва электр тармоқлари корхоналари билан ҳамкорликда ишчи гуруҳ тузилиб вилоятда ташкил этилган оилавий болалар уйларида ўрганиш ишлари олиб борилди.
Ишчи гуруҳ томонидан олиб борилган ўрганиш ишлари давомида, хонадонларнинг иситиш тизими ва ускуналари, газ, электр ва бошқа хизмат кўрсатиш жиҳозларининг техник ҳолати кўздан кечирилиб, ота-оналар ва оила аъзоларига ёнғин хавфсизлиги, газ ва электр таъминоти қоидаларига қатъий риоя қилишлари бўйича профилактик тушунтириш ишлари олиб борилди.
Бу каби профилактик тадбирларни ўтказишдан кўзланган асосий мақсад, содир бўлиши мумкин бўлган бахтсиз ҳодисаларни олдини олиш ҳамда оила аъзоларни яна бир бор ҳушёрликка чақиришдир.
