Хусусан, шу кунларда Фарғона вилоятида Миллий гвардия бошқармаси вакиллари, “Инсон” Марказининг болаларни ижтимоий ҳимоя қилиш сектори, Фавқулодда вазиятлар бошқармаси, шунингдек, газ ва электр таъминот корхонаси вакиллари вилоятда ташкил этилган ҳар бир оилавий уйларга бориб, қиш-куз мавсумига тайёрлигини текширмоқда. Ташриф давомида иситиш тизими, электр симлари ва газ таъминот қувурларининг ҳолати текширилмоқда. Болалар ва уларнинг ота-оналари билан ёнғин хавфсизлиги мавзусида профилактик суҳбатлар ўтказилиб, ис газидан заҳарланиш сабаблари тушунтирилмоқда. Ёнғин чиқиш сабабларидан мисоллар келтирилмоқда, жумладан, ёғоч иситиш маҳсулотларидан фойдаланиш, носоз маиший техникалардан фойдаланиш, иситиш ускуналарини ўз вақтида текшириш кераклиги ҳақидаги огоҳлантирилди. Ота-оналар болаларга диққатлироқ бўлиш кераклиги, уларга ёнғин хавфсизлиги қоидаларига риоя қилиш муҳимлиги ҳақида тушунтириш ва болаларини қаровсиз қолдирмаслик кераклиги тўғрисида тушунтирилмоқда. Бундан ташқари, ўт ўчиргич ва бошқа ёнғинни бартараф қилиш воситаларидан қандай фойдаланиш кераклиги кўрсатилиб, биринчи ёрдам кўрсатиш бўйича машғулотлар ўтказилмоқда. Болалар ва ота-оналарнинг саволларига батафсил тушунчалар ва жавоблар берилмоқда.

Бундай тадбирлар республика бўйлаб барча оилавий болалар уйларда ўтказилмоқда.