"Меҳрибонлик" уйи битирувчилари янги бинолардан шинам уй-жойлар билан таъминланмоқда.
"Патанатомия страни Уз" Telegram каналида Юнусобод туманида жойлашган кўп қаватли уйнинг ертўласи "Меҳрибонлик" уйи битирувчилари учун турар-жойга айлантирилаётгани ҳақида хабар эълон қилинган.
Бу маълумот ҳақиқатга тўғри келмайди.
Бундан уч кун аввал, Facebook ижтимоий тармоғида"Олеся Архипова" номли тахаллус остида эълон қилинган постга жавобан Mehribonlik.uz сайтида Миллий гвардиянинг расмий баёноти эълон қилинган эди. Мурожаатда давлатимиз раҳбарининг "Етим болалар ва ота-она қарамоғидан маҳрум бўлган болаларни давлат томонидан қўллаб-қувватлашнинг янги тизимини жорий этиш чора-тадбирлари тўғрисида"ги қарорига мувофиқ "Меҳрибонлик" уйлари битирувчилари шаҳар ва туманларда қурилган кўп қаватли уйлардан уй-жой билан таъминланаётгани келтирилиб ўтилган.
Давлатимиз раҳбарининг қарорини аниқ ва пухталик билан амалга ошириш мақсадида Вазирлар Маҳкамасининг "Етим болалар ва ота-она қарамоғидан маҳрум бўлган болаларни турар жойлар билан таъминлаш чора-тадбирлари тўғрисида"ги низоми тасдиқланган.
Мазкур ҳужжатлардан келиб чиқиб, 2021 йилнинг август ойидан жорий йилнинг май ойигача бўлган даврда республика бўйлаб, жумладан, Қорақалпоғистон Республикасида ҳам таълим муассасаларининг 757 нафар вояга етган ўқувчиларининг 710 нафари уй-жой билан таъминланган.
Биргина Тошкент шаҳрида бугунги кунда 157 нафар ўғил-қиз хонадонга эга бўлди (яна 16 нафар боланинг уй-жой масаласи ҳал этилмоқда). Пойтахтдаги Меҳрибонлик уйларининг битирувчиларига ажратилган барча хонадонлар янги бинолардан бўлиб, "қути" шаклида эмас, балки тўлиқ таъмирланган, мебель ва уй-рўзғор буюмлари билан жиҳозланган.
Қуйида Миллий гвардия ва Тошкент ҳокимлигининг ахборот ресурсларига ҳаволалар келтирилган бўлиб, у ерда Меҳрибонлик уйи битирувчиларининг қандай шароитдаги уй-жой билан таъминланаётганлиги тўғрисида маълумотларга эга бўлишингиз мумкин:
https://t.me/Mehribonlikuz/164
https://t.me/Mehribonlikuz/174
https://t.me/milliygvardiya_toshkentshahar/6172
https://t.me/milliygvardiya_toshkentshahar/5207
https://t.me/milliygvardiya_toshkentshahar/5217
Ҳурматли юртдошлар, сизлардан "Меҳрибонлик" уйларига оид маълумотларни жамоатчилик муҳокамасига қўйишдан аввал, унинг тўғрилигига ишонч ҳосил қилишингизни сўраймиз.
71-236-52-08 ёки 71-236-52-09 рақамлари орқали батафсил маълумотларга эга бўлишингиз мумкин.
