Етим ва ота-она қарамоғидан маҳрум бўлган болалар имтиёз асосида талабаликка қабул қилинди
Давлатимиз раҳбарининг 2021 йил 9 августдаги қарори асосида олий таълим муассасаларига талабаларни қабул қилишнинг умумий сонидан Меҳрибонлик муассасалари битирувчилари учун қўшимча равишда бир фоизгача давлат гранти асосида қабул квоталари СОС – болалар маҳаллалари, Оилавий болалар уйлари фарзандлари, шунингдек, васийликка, ҳомийликка олинган болалар учун ҳам тадбиқ қилина бошлади.
Шу маънода, давлатимиз етим ва ота-она қарамоғидан маҳрум бўлган болаларга ғамхўрлик қилгани каби Камилжоновга ҳам олий таълимга кириши учун имтиёз берилди.
У Бухоро давлат университетининг боғдорчилик факультетига қабул қилинди. Хоразмдан етиб келган ушбу талабани Миллий гвардия Бухоро вилояти бўйича бошқармаси масъул ходимлари университетга олиб бориб, уни талабалар ётоқхонасига жойлаштиришди.
Маълумот учун: ушбу қўшимча квоталарнинг олий таълим муассасалари бўйича тақсимоти Мактаб ва мактабгача таълим вазирлиги ва Миллий гвардия томонидан белгиланиб, 2021/2022-ўқув йилида жами 267 нафар, 2022/2023 йилда бўлса, жами 790 нафар етим ва ота-она қарамоғидан маҳрум бўлган болалар ўқишга қабул қилинди. Уларнинг 18 нафари эса Бухоро вилоятидаги олий таълим муассасаларига ўқишга кирган ёшлар ҳисобланади.
