Ёшларга эътибор – келажакка эътибор
Жорий йилнинг 13 май куни Ўзбекистон Республикаси Миллий гвардияси Самарқанд вилояти бўйича бошқармаси психологлари томонидан вилоятда ташкил этилган 7-сонли Оилавий болалар уйининг ҳозирги кундаги фаолияти,мавжуд муаммолар, болаларнинг ўқиши, турмуш-тарзи, ахлоқий-руҳий ҳолати, тарбияси ҳамда бошқа масалаларни ўрганиш ва амалий ёрдам кўрсатиш мақсадида ташриф буюрилди.
Ташриф давомида болаларнинг спорт билан доимий равишда шуғулланаётганлиги, олдиларига аниқ ва мақсадли режалар қўйиб, танлаган йўналишлари асосида тайёргарлик кўриб келаётганликлари аниқланди.
Шунингдек, балоғат остонасига қадам қўяётган қизларнинг пазандалик борасида ҳам янги кўникмалар ўзлаштираётганлиги қувонарли ҳолат. Ишончимиз комилки, улар қайси касбни танлашмасин ўрганаётган бу ҳунарлари албатта, катта ҳаётда асқотади.
Тадбир якунида масъуллар томонидан оилада учраши мумкин бўлган муаммолар ечими бўйича амалий ёрдам берилди.
