Миллий гвардиянинг вазифаси: юртимизга қайтарилган болажонларнинг яқинларини топиш
Олий Мажлиснинг Бола ҳуқуқлари бўйича вакили (Болалар омбудсмани), Ташқи ишлар вазирлиги, Ички ишлар вазирлиги ва уларнинг россиялик ҳамкорларининг биргаликдаги саъй-ҳаракатлари билан юртдошларимизнинг 19 нафар фарзанди Россиядаги Меҳрибонлик уйларидан Ўзбекистонга қайтарилди. Бегона юртда болалар тақдир тақозоси туфайли таълим муассасаларида бўлишди. Бунинг сабаблари кўп ҳолларда ўхшаш: болаларнинг ота-оналари,юртдошларимиз ишлаш учун Россияга бориб, кўп ҳолларда ноқонуний ишлашган. Кимдир фарзандларини ўзлари билан олиб кетишган, кимнингдир болалари ўша ерда туғилган. Лекин ҳеч бирига ҳужжатлар расмийлаштирилмаган. У ерда, ўз ватанидан узоқда бўлган ноқонуний меҳнат муҳожирлари кўпинча қийналади: иш беқарор ёки умуман иш топишнинг иложи йўқ; кимдир иш берувчилар томонидан алданиб, иш ҳақини ололмайди, бошқа давлат ҳудудида ноқонуний бўлган бошқа шахслар маҳаллий миграция хизматлари томонидан аниқланиб, ўз ватанларига депортация қилинади. Ва бундай ҳолларда болалар азоб чекишади ... Шундай қилиб, 19 нафар бола Россиядаги болалар уйларида қолди
Бугунги кунга қадар ўз юртига олиб келинган 19 нафар боладан 6 нафари ўз оилаларига қайтарилди: беш нафар болани ўз отаси, онаси Москвада бахтсиз ҳодиса натижасида вафот этган тўққиз ойлик Ёдгор, тарбиялаш учун бувисига берилган.
Қолган 12 нафар бола ҳозир ўзлари туғилиб ўсган ёки ота-оналари яшаб турган ҳудудий Ички ишлар органлари қошидаги Вояга етмаганларга ижтимоий-ҳуқуқий ёрдам кўрсатиш марказларида, бир нафар чақалоқ эса "Болалар уйи"да.
Миллий гвардия ҳарбий хизматчилари, Ички ишлар органлари ва вилоятлар, туман ҳокимликлари билан яқин ҳамкорликда болаларнинг ота-оналари ва бошқа қариндошларини қидирмоқда. Болажонларнинг тақдири ҳақида сайтимиз орқали хабар берамиз
