Biz bugun Markaziy devon vakillari tashrif buyurgan Surxondaryo viloyatida Komiljon Yo‘ldashevich va turmush o‘rtog‘i Dilorom Choriyevnalar tomonidan asos solingan bolalar uyi farzandlari haqida gapirib beramiz.

Masʼul harbiy hizmatchilarning oilaviy bolalar uyiga tashrifidan maqsad bolalarning yashash sharoiti, oiladagi munosabat, uyda bolalarning uy vazifalari bajarishga va qo‘shimcha mashg‘ulotlar bilan shug‘ullanishiga sharoit mavjudligi bilan tanishish bo‘ldi. Mutasaddilar bolalar va ota-onalar bilan suhbatlashishdi. Suhbat davomida bolalar birinchi o‘quv kunlari, qaysi sport to‘garaklariga borganliklari haqida gapirib berishdi. Albatta ota-onalar ijtimoiy va huquqiy xarakterdagi masalalar bo‘yicha maslahat olishi va amaliy ko‘mak olishlari mumkinligi bo‘yicha eslatib o‘tildi.

2022 yil aprel oyida tashkil qilingan oilaviy bolalar uyida 6 nafar 5 dan 11 yoshgacha bo‘lgan bolalar ulg‘ayishmoqda. Barchasi, hatto aka-uka Sardor va Sarvar ham ona mehridan mahrum bo‘lishgan. Lekin hozirda bolalar bahtiyor: ularni issiq quchoq ochib kutadigan ota-onalari, qo‘llab- quvvatlaydigan, bayram va tug‘ilgan kun o‘tkazadigan oilasi bor.

Ushbu oilaning ikkita ulg‘aygan va kenja farzandlari ham bor. Biri shaxsiy biznes egasi, biri esa Milliy gvardiyada xizmat qiladi. Kenja farzand – 7 yoshli Jo‘rabek esa birdaniga 4 ta aka va 2 ta singlli bo‘lganidan juda xursand. “Katta, ahil oilamiz, ko‘pgina aka-uka, opa-singillarim bo‘lishini orzu qilganman”, - deydi Jo‘rabek.

Oilada kitob o‘qish, o‘qilganlarni muhokama qilish, birgalikda rasm chizish, bayramlarda uy bezatish va tug‘ilgan kunlarda sovg‘a tayyorlashni yaxshi ko‘rishadi. Shuningdek, uy egasi bolalarni badantarbiya va sport bilan shug‘ullantirishni ham muhim deb hisoblaydi. Milliy gvardiya Surxondaryo viloyati bo‘yicha boshqarmasida bolalar uchun qo‘l jangi va kurash turi bo‘yicha sport majmausini tashkil qilishganda, Komiljon Yo‘ldoshevich farzandlari Jo‘rabek, Doston, Baxrom hamda Sardor va Sarvarni olib bordi. Xozirda bolalar, qaysi sport turiga qatnashishni o‘ylamoqda.

Oilada uy ishlarini “erkaklar” yoki “ayollar” uchun deb ajratmaydi. Bolalar onasi va opa-singillariga oshxonada yordam berishni, uy va hovli tozalashni uyatli deb hisoblamaydi. Bolalarning javonlaridagi tartib ham ko‘zni quvontiradi.

Albatta, “qiz farzandlar yaxshiroq bajara oladigan ishlar ham bor” deb – tan olishdi bolalar. Masalan, onasi va opa-singillarining pishirgan taomlari restorandagidanda mazaliroq bo‘ladi. “Ammo biz dadamga arg‘imchoq o‘rnatishga yordam berdik”, - deb bolalar maqtanishdi.

Bizning oila juda ahil, ayniqsa, katta akalarimiz ham qo‘shilganda kunimiz juda quvonchli va baxtiyor o‘tadi.