Биз бугун Марказий девон вакиллари ташриф буюрган Сурхондарё вилоятида Комилжон Йўлдашевич ва турмуш ўртоғи Дилором Чориевналар томонидан асос солинган болалар уйи фарзандлари ҳақида гапириб берамиз.
Масъул ҳарбий ҳизматчиларнинг оилавий болалар уйига ташрифидан мақсад болаларнинг яшаш шароити, оиладаги муносабат, уйда болаларнинг уй вазифалари бажаришга ва қўшимча машғулотлар билан шуғулланишига шароит мавжудлиги билан танишиш бўлди. Мутасаддилар болалар ва ота-оналар билан суҳбатлашишди. Суҳбат давомида болалар биринчи ўқув кунлари, қайси спорт тўгаракларига борганликлари ҳақида гапириб беришди. Албатта ота-оналар ижтимоий ва ҳуқуқий характердаги масалалар бўйича маслаҳат олиши ва амалий кўмак олишлари мумкинлиги бўйича эслатиб ўтилди.
2022 йил апрель ойида ташкил қилинган оилавий болалар уйида 6 нафар 5 дан 11 ёшгача бўлган болалар улғайишмоқда. Барчаси, ҳатто ака-ука Сардор ва Сарвар ҳам она меҳридан маҳрум бўлишган. Лекин ҳозирда болалар баҳтиёр: уларни иссиқ қучоқ очиб кутадиган ота-оналари, қўллаб- қувватлайдиган, байрам ва туғилган кун ўтказадиган оиласи бор.
Ушбу оиланинг иккита улғайган ва кенжа фарзандлари ҳам бор. Бири шахсий бизнес эгаси, бири эса Миллий гвардияда хизмат қилади. Кенжа фарзанд – 7 ёшли Жўрабек эса бирданига 4 та ака ва 2 та синглли бўлганидан жуда хурсанд. “Катта, аҳил оиламиз, кўпгина ака-ука, опа-сингилларим бўлишини орзу қилганман”, - дейди Жўрабек.
Оилада китоб ўқиш, ўқилганларни муҳокама қилиш, биргаликда расм чизиш, байрамларда уй безатиш ва туғилган кунларда совға тайёрлашни яхши кўришади. Шунингдек, уй эгаси болаларни бадантарбия ва спорт билан шуғуллантиришни ҳам муҳим деб ҳисоблайди. Миллий гвардия Сурхондарё вилояти бўйича бошқармасида болалар учун қўл жанги ва кураш тури бўйича спорт мажмаусини ташкил қилишганда, Комилжон Йўлдошевич фарзандлари Жўрабек, Достон, Бахром ҳамда Сардор ва Сарварни олиб борди. Хозирда болалар, қайси спорт турига қатнашишни ўйламоқда.
Оилада уй ишларини “эркаклар” ёки “аёллар” учун деб ажратмайди. Болалар онаси ва опа-сингилларига ошхонада ёрдам беришни, уй ва ҳовли тозалашни уятли деб ҳисобламайди. Болаларнинг жавонларидаги тартиб ҳам кўзни қувонтиради.
Албатта, “қиз фарзандлар яхшироқ бажара оладиган ишлар ҳам бор” деб – тан олишди болалар. Масалан, онаси ва опа-сингилларининг пиширган таомлари ресторандагиданда мазалироқ бўлади. “Аммо биз дадамга арғимчоқ ўрнатишга ёрдам бердик”, - деб болалар мақтанишди.
Бизнинг оила жуда аҳил, айниқса, катта акаларимиз ҳам қўшилганда кунимиз жуда қувончли ва бахтиёр ўтади.