Poytaxtimizning Uchtepa tumanida joylashgan Nayman mahallasidagi оilaviy turar joy majmuasi istiqomat qiluvchi oilalar farzandlariga «G‘UNCHA ART SPACE» Art-jamiyati rassomlari tomonidan zamonaviy sanʼatning turli yo‘nalishlari bo‘yicha mahorat darslari tashkil etildi.

Bolalar uchun qiziq mashg‘ulotlar tashkilotchisi esa O‘zbekiston Milliy gvardiyasi vakillaridir va tadbir ishtirokchilarini tizim nomidan “Mehribonlik bolalar muassasalari bilan ishlash" boshqarmasi katta ofitseri Barno Ashirmatova qutladi.

Shuningdek, “Zamonaviy sanʼat bolalar nigohida” o‘quv loyihasi badiiy rahbari Natalya Axmedova va rassom Sharifa Sharafxodjayevalar bolalar va ularning ota-onalariga sanʼat bilan shug‘ullanishning bolalarda mustaqil fikrlash, tasavvur va topqirlikni rivojlantirishdagi afzalliklari haqida so‘zlab berdilar.

Bolajonlarda zamonaviy sanʼatda qanday yo‘nalishlar mavjudligi va "Zamonaviy sanʼatda ekologik tozalik" nimani anglatishini tushunishlari uchun rassomlar u yerda rasm va installyatsiyalar ko‘rgazmasini tashkil etishdi.

- Badiiy rasm va soxta narsalar maktab o‘quvchilari bilan bir qatorda kichkina bolalar uchun ham tushunarli va tanish. Bundan tashqari, zamonaviy sanʼatni tushunish bolaga umumiy mavzularni o‘rganishda ham, o‘zini namoyon qilishda ham foydali bo‘ladi. Ko‘pchilik bolalar bir joyga to‘planib, o‘zlarining ijodiy tabiatini birgalikda namoyish etsa, badiiy buyumlar yaratsa, bu endi shunchaki sanʼat emas, balki haqiqiy bolalar bayrami bo‘ladi, – deydi Sharifxo‘jayeva.

Ijod jarayoni nafaqat bolalarni, balki ularning ota-onalarini ham beeʼtibor qoldirmadi. Avvaliga kattalar o‘z farzandlarining puantalizm texnikasida rasmchizishni, futbolkalarda “tay-day” texnikasidan foydalangan holda abstrakt rasmlar chizishini, G.Uellsning “Sehrli do‘kon” kitobi uchun illyustratsiyalarni bezashni o‘rganishlarini tomosha qilishdi. Darvoqe, rassom Sevilya Akramova ham o‘z kitobiga amalga oshirgan illyustratsiyasi taqdimotinio‘tkazdi. Ko‘p o‘tmay, ota-onalar bolajonlardan ortda qolishni istamagan holda murakkab naqshlarni o‘rganishdi.

Shu kuni Milliy gvardiya orkestri bolalar uchun chiqish qildi. Harbiy sozandalar ijrosidagi kuy-qo‘shiqlar tadbirga o‘zgacha shukuh bag‘ishladi.