Замонавий санъат болалар нигоҳида
Пойтахтимизнинг Учтепа туманида жойлашган Найман маҳалласидаги оилавий турар жой мажмуаси истиқомат қилувчи оилалар фарзандларига «G‘UNCHA ART SPACE» Арт-жамияти рассомлари томонидан замонавий санъатнинг турли йўналишлари бўйича маҳорат дарслари ташкил этилди.
Болалар учун қизиқ машғулотлар ташкилотчиси эса Ўзбекистон Миллий гвардияси вакилларидир ва тадбир иштирокчиларини тизим номидан “Меҳрибонлик болалар муассасалари билан ишлаш" бошқармаси катта офицери Барно Аширматова қутлади.
Шунингдек, “Замонавий санъат болалар нигоҳида” ўқув лойиҳаси бадиий раҳбари Наталя Ахмедова ва рассом Шарифа Шарафходжаевалар болалар ва уларнинг ота-оналарига санъат билан шуғулланишнинг болаларда мустақил фикрлаш, тасаввур ва топқирликни ривожлантиришдаги афзалликлари ҳақида сўзлаб бердилар.
Болажонларда замонавий санъатда қандай йўналишлар мавжудлиги ва "Замонавий санъатда экологик тозалик" нимани англатишини тушунишлари учун рассомлар у ерда расм ва инсталляциялар кўргазмасини ташкил этишди.
- Бадиий расм ва сохта нарсалар мактаб ўқувчилари билан бир қаторда кичкина болалар учун ҳам тушунарли ва таниш. Бундан ташқари, замонавий санъатни тушуниш болага умумий мавзуларни ўрганишда ҳам, ўзини намоён қилишда ҳам фойдали бўлади. Кўпчилик болалар бир жойга тўпланиб, ўзларининг ижодий табиатини биргаликда намойиш этса, бадиий буюмлар яратса, бу энди шунчаки санъат эмас, балки ҳақиқий болалар байрами бўлади, – дейди Шарифхўжаева.
Ижод жараёни нафақат болаларни, балки уларнинг ота-оналарини ҳам беэътибор қолдирмади. Аввалига катталар ўз фарзандларининг пуантализм техникасида расмчизишни, футболкаларда “тай-дай” техникасидан фойдаланган ҳолда абстракт расмлар чизишини, Г.Уеллснинг “Сеҳрли дўкон” китоби учун иллюстрацияларни безашни ўрганишларини томоша қилишди. Дарвоқе, рассом Севиля Акрамова ҳам ўз китобига амалга оширган иллюстрацияси тақдимотиниўтказди. Кўп ўтмай, ота-оналар болажонлардан ортда қолишни истамаган ҳолда мураккаб нақшларни ўрганишди.
Шу куни Миллий гвардия оркестри болалар учун чиқиш қилди. Ҳарбий созандалар ижросидаги куй-қўшиқлар тадбирга ўзгача шукуҳ бағишлади.
