Andijon viloyati Qurbonovlar oilasi Milliy gvardiya Farg‘ona viloyati bo‘yicha boshqarmasida mehmon bo‘lishdi
Yoshlarni bo‘sh vaqtlarini mazmunli o‘tkazish, Milliy gvardiya boshqarmalari o‘rtasida ushbu sohadagi hamkorlikni yana-da kuchaytirish maqsadida Andijon viloyati Qurbonovlar oilasi farzandlari Milliy gvardiya Farg‘ona viloyati boshqarmasiga tashrif buyurdi.
Tashrif davomida boshqarmada 5000 dan ortiq adabiyotlarni o‘zida mujassam etgan zamonaviy kutubxona, Farg‘ona viloyati tarixi, shuningdek, Milliy gvardiyaning shakllanish bosqichlaridan darak beruvchi eksponatlardan iborat bo‘lgan muzey, hamda hozirgi kunga kelib 7 yoshdan 70 yoshgacha bo‘lgan fuqarolarning sevimli manzillaridan biriga aylanib ulgurgan Chavandozlar maktabida yaratilgan sharoitlar bilan tanishishdi.
Tashkil etilgan sayohatlardan bolajonlarning ko‘zidagi quvonch va harbiy sohaga bo‘lgan qiziqishi hamda ertangi kunga bo‘lgan ishonchini uyg‘otishga zamin yaratdi.
