Bolajonlarning yozgi taʼtil vaqtlari mazmunli o‘tmoqda
O‘quv jarayonlarini muvaffaqqiyatli tamomlab olgan bolajonlar endi dam olish maskanlariga yo‘l olishdi.
Milliy gvardiya Farg‘ona viloyati bo‘yicha boshqarmasi yetakchiligida Farg‘ona viloyatida tashkil etilgan Oilaviy bolalar uylariga, oilaga tarbiyaga farzandlikka, patranat hamda vasiylik asosida berilgan 7 yoshdan 14 yoshgacha bo‘lgan Mehribonlik uyining tarbiyalanuvchilari viloyatdagi so‘lim go‘sha hisoblangan yozgi oromgohlarga tashrif buyurishdi.
Jumladan, bugungi kunda Farg‘ona viloyatida tashkil etilgan “Mustaqil oilam kelajagim poydevori”, “Buyuk yurt farzandlari kelajak sari”, “Murg‘ak qalb”, “Mehribon qalb” nomli oilaviy bolalar uylarining tarbiyalanuvchilari, hamda patranat, vasiylik va farzandlikka olingan bolajonlar yozgi oromgohlarda dam olishmoqda.
Farg‘ona viloyatida bu kabi bolalarni viloyatdagi oromgohlarda
yozgi taʼtilllarini maroqli va samarali o‘tkazishlari uchun
2 va 3 mavsumlarga mo‘ljallangan oromgoh faoliyati rejalashtirilgan bo‘lib, bu boradagi ishlar hozirgi kunda bosqichma-bosqi amalga oshirilmoqda.
