Bolajonlar koʻzida quvonch porlasin.
Milliy gvardiya Fargʻona viloyati boʻyicha boshqarmasi harbiy xizmatchilari Qoʻqon mintaqa hududida joylashgan "Mehribon qalb", "Murgʻak qalb", "Muqaddas rishtalar", "Yangi umid va ishonch", "Oila bola baxti", "Jajji qalbim chechagi" va "Qalb koʻzgusi" nomli Oilaviy bolalar uyiga tashrif buyurishdi. Tashrif davomida bolajonlarning yashash sharoiti,ijtimoiy-ruhiy holati hamda darsdan boʻsh vaqtlarida qaysi mashgʻulotlar bilan shugʻullanayotganliklari oʻrganildi.
Oʻrganishlar jarayonida oʻgʻil-qizlarning turli fan toʻgaraklari, kasb-hunarga yoʻnaltiruvchi: tikuvchilik, zargarlik , sartaroshlik, pazandachilik, raqs, dutorchilik va albatta, sport toʻgaraklari bilan bandliklari aniqlandi.
Bolajonlar ham oʻz navbatida sharoitlari yaxshi ekanligi, ruhiyatida zoʻriqishlar mavjud emasligi va ota-onalari bilan bir oilada yashayotganliklaridan mamnun ekanliklarini taʼkidlashdi.
Shuningdek, bolajonlar va mehmonlar birgalikda "Mehribon qalb" Oilaviy bolalar uyi rahbarining tavallud kunini nishonladilar.
