Fargʻona viloyatida uy-joyga muhtoj boʻlgan mehribonlik uylarining 15 nafar sobiq bitiruvchilariga xonadon kalitlari topshirildi
Uy-joyga muhtoj taʼlim-tarbiya muassasasi sobiq tarbiyalanuvchilarining xonadon bilan taʼminlangani to‘g‘risida Mehribonlik.uz saytida maʼlum qilib borilmoqda. Yaqinda 4 nafar 30 yoshga to‘lmagan yoshlarga shaxsiy uy-joy kalitlari topshirildi.
Eslatib o‘tamiz, davlatimiz rahbari 2022 yil dekabr oyida Toshkent shahar Uchtepa tumaniga tashrifidan so‘ng o‘tkazgan yig‘ilishida qiziqish bildirgan vazirliklar va bo‘linmalar oldiga 30 yoshga to‘lmagan barcha mehribonlik uyi sobiq tarbiyalanuvchilarining yashash sharoitini o‘rganish, uy-joy olmaganlarni uy-joy bilan taʼminlash vazifasini qo‘ygan edi. Ushbu topshiriq yig‘ilish bayonnomasining 25 bandida belgilangan. Prezidentning mazkur topshirig‘ini bajarish maqsadida Milliy gvardiya harbiy xizmatchilari va xodimlari hamda hokimlik vakillari mehribonlik uyi sobiq tarbiyalanuvchilarining uy-joy masalalarini astoydil o‘rganishdi. Natijada faqat Farg‘ona viloyatida 37 nafar yigit va qizlardan 15 nafari uy-joy egalariga aylandi.
Baxtlilar qatorida Farg‘ona davlat universitetining 2-bosqich talabasi, ota-onasi vafotidan so‘ng, buvisi qo‘lida tarbiyalangan Marg‘ilonlik Zikriyo Muxtorov, bobosi qo‘lida tarbiyalangan, hozirda Farg‘ona universitetida tahsil olayotgan Shukrullo Rahmonov, shuningdek, erta ota-onasiz qolib, vasiylik ostida o‘sgan Milana Abilova va Anita Avdoninalar ham bor.
Mazkur 4 nafar tarbiyalanuvchining barchasi yashash uchun barcha buyumlar: mebel, maishiy texnika hamda idishlar bilan taʼminlangan xonadon egasiga aylanganidan juda baxtiyor.
- Qanday baxtiyor ekanimni so‘z bilan taʼriflab bo‘lmaydi. Endi mening qachondir farzandlarim ham yashaydigan shaxsiy uyim bor. Shuning uchun, birinchi navbatda farzandlarimga Vatanni hurmat qilish, jamiyat va davlatning insonlarga ko‘rsatadigan g‘amxo‘rligini qadrlash hamda yurt ravnaqi uchun yashash va mehnat qilishni o‘rgataman, - deydi Shukrullo Raxmonov.
