Xorazm viloyatida Milliy gvardiya ishchi guruhi o‘quvchilarning maktablarda muntazam ravishda dars qoldirish sabablarini o‘rganish va o‘quvchilarni taʼlim muassasalariga qaytarish bo‘yicha ishlarni davom ettirmoqda
"2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yana-da oshirish bo‘yicha chora-tadbirlar to‘g‘risida" gi Prezident qarori ijrosini taʼminlash maqsadida Milliy gvardiya qo‘mondoni boshchiligidagi ishchi guruh o‘quvchilarning taʼlim sifatini oshirishga qaratilgan ishlarni davom ettirmoqda.
Xususan, tadbirlar davomida davomat tekshirilib, individual tarzda maktab o‘quvchilarining darslarni muntazam ravishda o‘tkazib yuborish sabablari aniqlanmoqda va o‘quvchilar maktabga bormasligiga sabab bo‘layotgan muammolarni hal qilish choralari ko‘rilmoqda.
Xususan, Xorazm viloyatida ishchi guruh tomonidan Urganch shahar, Xonqa, Bog‘ot va Urganch tumanlaridagi maktablarda darslarga qatnashish holatini o‘rganib chiqildi.
Darslarni muntazam ravishda o‘tkazib yuborayotgan o‘quvchilarning ota-onalari va o‘quvchilar bilan profilaktik va tushuntirish suhbatlari o‘tkazildi.
Shu bilan birga "Maktab – ota-ona – mahalla" zanjiri bo‘g‘inlarining o‘zaro hamkorligini mustahkamlash bo‘yicha maqsadli ishlar olib borilmoqda.
Shu munosabat bilan joriy etilayotgan yosh avlod o‘rtasida huquqbuzarliklarning oldini olish modeli doirasida viloyat maktablari va mahallalari darajasida ko‘rilayotgan chora-tadbirlar natijalari tahlil qilinmoqda. Masʼul shaxslarga ota-onalar va maktab o‘quvchilari bilan profilaktik ishlar samaradorligini oshirish, o‘quvchilarni maktablarga qaytarish choralarini ko‘rish bo‘yicha aniq vazifalar yuklatilmoqda.
Bundan tashqari, sababsiz darslarni o‘tkazib yuborib, ko‘chada maqsadsiz vaqt o‘tkazayotgan o‘spirinlar bilan tarbiyaviy ishlarni yaxshilash bo‘yicha ham alohida vazifalar belgilanmoqda.
