Xorazm viloyati Yangibozor tumanida "Yosh gvardiyachilar" sinfi ochildi
O‘zbekiston Respublikasi Milliy gvardiyasi va Maktabgacha va maktab taʼlimi vazirligining umumiy o‘rta taʼlim maktablarida “Yosh gvardiyachilar” sinflari faoliyatini tashkil etish chora-tadbirlari to‘g‘risida”gi qo‘shma qarori ijrosini taʼminlash maqsadida Xorazm viloyati Yangibozor tumanidagi 33-sonli umumtaʼlim maktabida "Yosh gvardiyachilar" sinfi tashkil etildi.
Shu munosabat bilan taʼlim muassasasida tantanali ochilish marosim bo‘lib o‘tdi.
Tadbirni boshqarma boshlig‘ing o‘rinbosari podpolkovnik Umidjon Avezov kirish so‘zi bilan ochib, o‘quvchi yoshlarga kelgusida yangi bilimlarni egallab, taʼlim olishlarida omad va zafarlar tiladi.
Shundan so‘ng, yosh gvardiyachilar tantanali vaʼda berishga keltirildi va ularga Milliy gvardiyaning ramziy bayrog‘i topshirilib, ona Vatanimizga sodiq farzand bo‘lib kamol topishlarida muvafaqqiyat tilandi
Tantanali tadbir so‘ngida “Yosh gvardiyachilar” sinfining ochilishida jonbozlik ko‘rsatgan fidoyi xodimlarga Milliy gvardiya Xorazm viloyati bo‘yicha boshqarmasi boshlig‘ining tashakkurnomalari topshirildi.
