Ijtimoiy tarmoqlar va messenjerlarda Toshkentdagi 21-sonli “Mehribonlik” uyi yopilishi haqidagi xabarga qoldirilgan izohlarda foydalanuvchilar hududning obodonlashtirishga berilishidan xavotir bildirishmoqda.

Biz rasman eʼlon qilamizki, bunday qo‘rquvlar asossiz va mehribonlik uylari o‘rnida savdo obyektlari qurilishi haqidagi taxminlar tubdan noto‘g‘ri.

21-sonli “Mehribonlik” uyi binosi va hududi O‘zbekiston Respublikasi Xalq taʼlimi vazirligi balansida qoladi. Bu yerda bolalar muassasasi ham bo‘ladi. Uning turi va maqomi endilikda Xalq taʼlimi vazirligi tomonidan belgilanadi. Bu yaqin kunlarda maʼlum bo‘ladi.

Ilgari yopilgan barcha taʼlim-tarbiya muassasalari O‘zbekiston Xalq taʼlimi vazirligi balansida qoladi va ulardan faqat bolalar manfaatlarini ko‘zlab foydalaniladi.

Shu tariqa, avvalroq respublikada 13 ta “Mehribonlik” uyi, 4 ta bolalar shaharchasi va 2 ta “Mehribonlik” uyi ("Bolalar uyi") yopilgan edi.

Ixtisoslashtirilgan maktab-internatlar ilgari “Mehribonlik” uylariga qarashli bo‘lgan 6 ta obyektda joylashgan. Qo‘qon shahridagi sobiq 12-sonli “Mehribonlik” uyi binosida ko‘zi ojiz bolalar uchun ixtisoslashtirilgan maktab-internati faoliyat ko‘rsatmoqda. Marg‘ilon shahrida 1-sonli “Mehribonlik” uyi o‘rnida eshitish qobiliyati past va kar bolalar uchun ixtisoslashtirilgan maktab-internati foydalanishga topshirildi. Qolgan 4 ta “Mehribonlik” uyida, shuningdek, Andijon viloyatidagi bolalar shaharchasida qanday bolalar muassasalari ochilishi bo‘yicha qarorlar qabul qilinmoqda.

4 ta yopiq bolalar shaharchasidan 2 tasida ixtisoslashtirilgan maktab-internatlari ham tashkil etiladi. Navoiy viloyatidagi bolalar shaharchasida esa Prezident maktabining filiali ochiladi.

Ilgari “Mehribonlik” uylari (“Bolalar uyi”) joylashgan binolar ham bolalar ehtiyojlari uchun topshirildi; Guliston shahrida uning o‘rnida imkoniyati cheklangan bolalar uchun tibbiy reabilitatsiya markazi ochildi; Farg‘ona shahrida – Bolalar davolash-reabilitatsiya markazi ish boshladi.