“Mard askar – yoshlarga namuna” hamda “Zamonamiz qahramonlari” shiori ostida ma’naviy-ma’rifiy tadbirlar o‘tkazildi
Milliy gvardiya Navoiy viloyati bo‘yicha boshqarmasi tomonidan Karmana tumanidagi “Quvnoq bolalar” va “Yangi zamon bolalari” oilaviy bolalar uylarining farzandlarini qishki ta’til kunlari bo‘sh vaqtlarini mazmunli o‘tkazish maqsadida joriy yilning 7 yanvar kuni Navoiy viloyati Madaniyat va ma’rifat markazida davlat mukofoti bilan taqdirlangan Milliy gvardiya Navoiy viloyati bo‘yicha boshqarmasi harbiy xizmatchilari bilan bolajonlar o‘rtasida “Zamonamiz qaxramonlari” mavzusida uchrashuv o‘tkazildi.
Shuningdek, Milliy gvardiya Navoiy viloyati bo‘yicha boshqarmasi 87214 harbiy qism muddatli harbiy xizmatchilari va bolajonlar o‘rtasida “Mard askar – yoshlarga namuna!” shiori ostida ma’naviy-ma’rifiy tadbir, rasmlar tanlovi o‘tkazildi. Shu bilan birga, tadbir davomida muddatli harbiy xizmatchilar va bolajonlar o‘rtasida rassomchilik mahorati bo‘yicha bellashuv tashkil qilindi.
