Mehribonlik uyi tarbiyalanuvchilarining Yangi yil tilaklari amalga oshdi
Yangi yil va O‘zbekiston Respublikasi Qurolli Kuchlari tashkil etilganligining 30 yilligi va Vatan himoyachilari kuni bayrami munosabati bilan Jamoat xavfsizligi universiteti “Bronetank va avtomobil texnikasi” kafedrasi boshlig‘i, professor, polkovnik G‘.S.Xamidov va kafedra dotsenti podpolkovnik Sh.E.Janiyevlar tomonidan Toshkent shahar Yashnobod tumanidagi 30-sonli yordamchi Mehribonlik uyiga tashrif buyurdilar.
Mehribonlik uyi tarbiyalanuvchilari Yangi yilda Qorboboga o‘z tilaklarini bildirib, maktub yo‘llagan edilar. Kafedra professor-o‘qituvchilari tarbiyalanuvchilarni tilaklarini amalga oshirish maqsadida bir qator tarbiyalanuvchilarga o‘z sovg‘alarini Qorbobo nomidan tayyorlashdi.
Mehribonlik uyi tarbiyalanuvchilarga tayyorlangan “Yangi yil sovg‘alari” Mehribonlik uyi rahbariyati ishtirokida topshirildi.
Tadbir so‘ngida tarbiyalanuvchilar yangi yildagi birinchi tilaklari amalga oshganidan o‘z minnatdorchiliklarini bildirdilar.
