Muddatli harbiy xizmatchilar hamda “Mattiyevlar” xonadoni farzandlari kibersportda o‘zaro bellashdilar
Maʼlumki, butun dunyodagi barcha sohalarda shiddat bilan kechayotgan taraqqiyot jarayonlarini IT-sohasi yaʼni kompyuter texnologiyalarisiz tasavvur qilib bo‘lmaydi. Mazkur sohada bugungi kunda butun dunyoda va Vatanimiz yoshlari auditoriyasida ommalashib borayotgan turlaridan biri bu – kibersportdir.
So‘z o‘rnida eʼtirof etish joizki, kibersport ong va aqliy sport turi bo‘lib, bu o‘z-o‘zidan yoshlar tafakkurini rivojlantirishga, tezkorlik yaʼni o‘zining xatti-harakatlarini ikkilanishlar va qo‘rquvlarsiz boshqarishga o‘rgatadi. O‘yin davomida jamoadoshlarining fikri va pozitsiyasini anglay olish orqali jamoa bilan ishlash potensialini o‘sishiga xizmat qiladi.
Shu maʼnoda, Milliy gvardiya Buxoro viloyati bo‘yicha boshqarmasi tashabbusi asosida o‘z yigitlik burchini o‘tayotgan muddatli harbiy xizmatchilar hamda “Mattiyevlar” xonadoni farzandlari ishtirokida kibersport bo‘yicha o‘rtoqlik uchrashuvi musobaqalari tashkil etildi.
Qizg‘in va shiddatli bahslarga boy bo‘lgan o‘yinlar yakuniga ko‘ra do‘stlik g‘alaba qozonib, musobaqa barcha ishtirokchilarning bo‘sh vaqtlarini mazmunli o‘tkazishga xizmat qilganligi, shubhasiz.
