1-iyun – Xalqaro bolalarni himoya qilish kuni munosabati bilan O‘zbekiston Respublikasi Milliy gvardiyasi qo‘mondonining birinchi o‘rinbosari polkovnik I.Ibragimov Samarqand viloyatida tashkil etilgan “Kelajak vorislari” nomli Oilaviy bolalar uyiga tashrif buyurdi. I.Ibragimov Milliy gvardiya qo‘mondoni nomidan bolajonlarni va ularning ota-onalarini bayram bilan samimiy qutlab, o’g’il-qizlarga sovg‘alar, Oilaviy bolalar uyi asoschisi Faxrutdinova Mavjuda Farhadovnaga “O‘zbekiston Respublikasi Milliy gvardiyasining fidoyi xodimi” ko‘krak nishonini topshirdi.
Ma`lumot uchun: Mavjuda Farhadovna turmush o‘rtog‘i Ulug‘bek Tolmasovich bilan oilasi bag`riga ta’lim muassasalarining o‘n nafar tarbiyalanuvchisini asrab oldi. Oiladagi har bir bola mehr va g'amxo'rlik qurshovida ulg`ayishmoqda.
-"Onajonimiz Milliy gvardiya mukofotiga sazovor bo'ldi!" – deya, farzand tarbiyasi uchun M.Faxrutdinovaga berilgan ko‘krak nishonidan yetti o‘g‘il va uch qiz juda mamnun.
Sahifadagi xatolar bo`yicha manzil:
Matn xato bilan:
Sizning izohingiz yoki to`gri versiya:
