Oilaviy bolalar uyida to‘y marosimi
O‘zbekiston Respublikasi Vazirlar Mahkamasining 16.08.2022 yildagi 451-son qarori asosida hozirgi kunda Namangan viloyatida 2 ta Oilaviy bolalar uylari faoliyat yuritib kelmoqda.
Shulardan biri To‘raqo‘rg‘on tumanidagi Sohilobod mahallasida joylashgan O‘rolovlar oilasi bo‘lib, oila 5 nafar bolalarni bag‘riga olgan.
Bugun ushbu xonadonda tarbiyalanayotgan 3 nafar o‘g‘il bolalar – Vlasdislav, Jasurbek, Aleksandrlarning Hatna to‘ylari o‘zbekona rasm-rusumlar asosida o‘tkazildi. Marosimda viloyat hokimi Shavkatjon Abdurazzoqov, O‘zbekiston Respublikasi Milliy Gvardiyasi Namangan viloyati bo‘yicha boshqarmasi boshlig‘i, polkovnik Xamidullo Mamatov, tuman sektor rahbarlari va mahalla nuroniylari ishtirok etishdi.
To‘y egalariga sovg‘a-salomlar tuhfa etildi, ularning unib-o‘sib, Yangi O‘zbekistonning chin farzandlari bo‘lib yetishishlari uchun samimiy tilaklar bildirildi.
