Oilaviy bolalar uyi farzandlarining qasamyod qabul qilish marosimida ishtiroki
Milliy gvardiya boshqarmalari va harbiy qismlarda muddatli harbiy xizmatni o‘tashni boshlagan askarlarning qasamyod qabul qilishiga bag‘ishlangan tantanali tadbirlar bo‘lib o‘tdi.
Milliy gvardiya Farg‘ona viloyati boshqarmasida o‘tkazilgan tantanaga Valievlar,
Ro‘zievlar va Zokirovlar oilasi farzandlari ham taklif etildi.
Bolajonlar ilk bor qasamyod qabul qilish marosimida ishtirok etishdi. Shu bois, ularda hayajon kuchli edi. Harbiylarning har bir harakati, orkestr sadolariga hamohang qadamlari, shuningdek, faxr va viqor bilan qasamyod qabul qilishlari ularda oʻzgacha taassurot qoldirdi.
Rasmiy qism tugagandan soʻng, ishtirokchilar ekskursiyaga taklif etildi. O‘g‘il-qizlar harbiy xizmatchilarning hayoti va faoliyati, mashgʻulotga tayyorgarlik jarayonlari bilan yaqindan tanishdilar.
Bolajonlar bugungi tadbirdan unutilmas xotiralar bilan oʻz uylariga qaytdi.
