Komilovlar oilasida katta shodiyona
Mazkur tantana kuni Komilovlar xonadonidan mehmonlar arimadi: Hurriyatxon Qahhorovna va Ravshanjon Baxtiyorovichning qo‘shnilari, do‘stlari va tanishlari ularning farzandi, Sherzodbekning sunnat to‘yiga tashrif buyurishdi.
Milliy gvardiya Farg‘ona viloyati bo‘yicha boshqarmasi, Furqat tumani va Qo‘qon shahri hokimligi vakillari tomonidan Sherzodbekning ota-onasiga sunnat to‘yni xalqimizning urf-odatlari va anʼanalariga xos tarzda o‘tkazishda yordam berildi.
Xodimlar bayram qahramoniga velosiped, yangi kiyimlar sovg‘a qilishdi va ko‘plab ezgu tilaklarni bildirishdi.
Eslatib o‘tamiz, 2021 yilning avgust oyida Hurriyatxon Qahhorovna va Ravshanjon Baxtiyorovich Qo‘qon shahridagi 12-sonli “Mehribonlik” uyining to‘qqiz nafar tarbiyalanuvchisini o‘z oilasiga olgan edi.
"Bu bolalar mening o‘z farzandlarim qatori, - deydi H. Komilova. "Davlatimiz rahbarining oqilona, adolatli qarori tufayli Oilaviy bolalar uyini tashkil etib, farzandlarimni o‘z uyimga olib ketish imkoniga ega bo‘lganimdan baxtiyorman.
Ota-onasining qarorini Komilovning o‘g‘illari, 21 yoshli Rashidxon va 18 yoshli Azizxon qo‘llab-quvvatladilar. O‘sha kundan buyon 6 xonali katta uyda bolajonlarning quvnoq kulgulari yangraydi.
