Quva viloyatida Mehribonlik uyi bitiruvchisi uy-joy bilan ta’minlandi
Ozodjon Pattoyev 2011-yilda Marg‘ilon shahridagi 1-sonli Mehribonlik uyini tamomlagan. Bu yillar davomida u oʻz uyiga ega boʻlishni orzu qilgan….
Davlatimiz rahbarining 2022-yil dekabr oyida Toshkent shahri Uchtepa tumaniga tashrifi yakuni bo‘yicha o‘tkazilgan yig‘ilishda Mehribonlik uylari bitiruvchilarining yashash sharoitlarini zudlik bilan o‘rganish hamda mavjud muammolarni bartaraf etish vazifasi qo‘yilganidan soʻng, vaziyat tubdan o‘zgardi…
Bugun Quva tumanida istiqomat qiluvchi Mehribonlik uyi bitiruvchisi Pattoev Ozodjonga tuman hokimi, sektor rahbarlari, Milliy gvardiya va keng jamoatchilik vakillari ishtirokida yangi qurib bitkazilgan hamda to‘liq jihozlangan xonadon kalitlari topshirildi.
Yangi xonadon egasining quvonchlari bir olam, maqsadlari yuksak…
Qahramonimizdan taassurotlarini soʻrashganida u katta hayajon bilan koʻrsatilayotgan eʼtibor va g‘amxo‘rlik uchun Prezidentimiz hamda mas’ul rahbarlarga oʻzining cheksiz minnatdorchiligini izhor qildi.
