Ota-onalar va ularning farzandlariga kiberhujum nima va unga qanday qarshi turish kerakligi haqida maʼlumotlar berildi.
Bugun ota-onalar va Oilaviy bolalar uylarining farzandlari uchun "Kiberhujum nima va unga qanday qarshilik ko‘rsatish kerak" mavzusida o‘quv seminari bo‘lib o‘tdi.
Tadbir Milliy gvardiya "Temurbeklar Maktabi" harbiy akademik litseyida o‘tkazilib, unda Toshkentdagi Oilaviy bolalar uylarining ota-onalari va farzandlari, shuningdek, Milliy gvardiya Mehribonlik uyi muassasalari bilan ishlash bo‘limi mutaxassislari, shu jumladan psixologlar ishtirok etdi.
Tadbirni Milliy gvardiya boshqarmasi katta ofitseri, podpolkovnik Barno Ashirmatova mavzuga oid maʼruzasi bilan ochib berdi. Bugungi yoshlar va o‘spirinlar faol internet foydalanuvchilari, turli xil ijtimoiy tarmoqlar va messenjerlar abonentlari ekanligini hisobga olganda odamlar virtual makonda duch keladigan hujumlar va taʼqiblarga o‘z vaqtida javob berishga ehtiyoji mavjudligi bois, kiberhujum bo‘yicha o‘quv seminarini o‘tkazilishiga sabab bo‘ldi
Magistr o‘qituvchisi, taʼlim muassasalarida bezorilikning oldini olish bo‘yicha mutaxassis Rano Makarenko tomonidan “Kiberhujum” nimani anglatishi, uning asosiy turlari zamonaviy psixologiyada qanday ajralib turishi haqida batafsil maʼlumot berib, bolani bezovta qilayotganini qanday anglash mumkinligi va bolalarni bezorilikdan himoya qilish uchun nimalar qilish lozimligi hamda nima qilmaslik kerakligi tushuntirildi.
Shuningdek, internetda tuhmat va haqoratlarni tarqatganlik uchun javobgarlik borligi to‘g‘risida aytib o‘tildi.
O‘quv seminari interaktiv shaklda o‘tkazilib, unda psixologik harbiy xizmatchilar, ota-onalar va bolalarning o‘zlari ham jalb qilindi. Maʼruzachining nutqlari slaydlar va videofilmlar orqali namoyish etildi.
Kunning ikkinchi yarmida bolalar va ota-onalar uchun litseyga ekskursiya tashkil etildi. Mehmonlar harbiy akademik litseyi talabalari uchun yaratilgan shart-sharoitlar va uning tarixi bilan yaqindan tanishdilar.
