Eng yaxshi tug‘ilgan kun
Qarang, andijonlik Jo‘rabek Rahmonberdiyevich va Maʼmura Mahmudxo‘jayevna Qurbonovalarning o‘g‘li Javohirbek o‘zining 10 yoshini naqadar xursandchilik bilan nishonladi. Bolaning so‘zlariga ko‘ra, bu tug‘ilgan kun uchta sababga ko‘ra haqiqiy bayramga aylandi: birinchidan, bu uning birinchi kichik yubileyi, ikkinchidan, u buni “Energetik” yozgi taʼtil maskanida nishonladi va juda ko‘plab yangi do‘stlar uni tabriklashdi. Uchinchi sabab esa, bolaning so‘zlariga ko‘ra, asosiysi, bu uning yangi aka-uka va opa-singillari davrasidagi birinchi tug‘ilgan kuni.
Eslatib o‘tamiz, o‘tgan yilning noyabr oyida Qurbonovlar oilasi besh qiz va bir o‘g‘ilni asrab olgan edi. Ularning 12 xonali ikki qavatli uyida, hozirda 9 nafar bola yashaydi. Bolajonlar kelishi bilan uy nurga to‘lib, hozirda barcha do‘stona muhitda baxtli oila bo‘lib yashamoqda.
