FARG‘ONA VILOYATIDAN JUMAYEVLAR OILASI POYTAXTIMIZDAGI “MEHRIBONLIK” UYI TARBIYALANUVCHILARINI O‘Z QARAMOG‘IGA OLDI.
Farg‘ona viloyati Beshariq tumanida istiqomat qiladigan Jumayevlar oilasi Mehribonlik uyidagi bolalarni tarbiyalab, ularga mehr berib, g‘amxo‘rlik qilishni orzu qilar edi. Buning uchun ular qariyb uch yuz kilometr masofani bosib o‘tib, poytaxtdagi 22-sonli Mehribonlik uyida Elvina, Ruslan, Enver, Baxtiyor va Denisni uchratdilar. Ular bir-birlari bilan yaqindan tanishib, deyarli butun kunni birga o‘tkazishdi.
Kuni kecha esa Mehribonlik uyi tarbiyalanuvchilari bo‘lajak ota-onalarini ziyorat qilish uchun vodiyga yo‘l oldi.
Nosirjon Yuldashevich va Shohida Po‘latovnalar bolalarni xursand qilish uchun qo‘llaridan kelgancha harakat qilmoqda.
Jumayevlar oilasi birgalikda sport zaliga qatnay boshladi. "Bolalar sportni yaxshi ko‘radilar,bizda yaxshi sport zali, tajribali murabbiylar bor", deydi oila boshlig‘i. - Bu yerda voleybol, basketbol bilan muntazam shug‘ullanishadi, farzandlarimiz esa futbol o‘ynashadi.
"– Elvinaga ham yoqadigan mashg‘ulotlar bor, – dedi ishonch bilan Shohida Po‘latovna.
Ular katta oila uchun tushlik va kechki ovqatni birgalikda tayyorlaydilar va bir-birlari bilan retseptlar, rejalar va orzularini bo‘lishadi.
