Sportning kamondan otish turi bo`yicha "Samarqand viloyat birinchiligi" musobaqasi bo`lib o`tdi
10.2.2025
159
Samarqand viloyat Qo`riqlash boshqarmasi hamda viloyat Sport boshqarmasi hamkorligida joriy yilning 6-fevral kuni Samarqand shahridagi 1-sonli sport maktabida sportning kamondan otish turi bo`yicha "Samarqand viloyat birinchiligi" musobaqasi bo`lib o`tdi. Tadbirda viloyatning barcha shahar va tumanlaridan 16 ta jamoa ishtirok etdi, har bir jamoa 3 nafari og`il va 3 nafari esa qizlardan tashkil topdi.
Musobaqada ishtirokchilar o`z mahoratini namoyish etib, har bir bahsda kuchli raqobat olib borishdi. Sportchilarning ortib borayotgan mahorati va musobaqa davomida yuzaga kelgan qizg`in kurashlar tomoshabinlarga katta taassurot qoldirdi. Musobaqa natijalariga ko`ra, Bulungur tumani jamoasi 3-o`rinni egallagan bo`lsa, Ishtixon tumani jamoasi esa faxrli 2-o`rinni qo`lga kiritdi.
Samarqand shahar jamoasi barcha raqiblarini ortda qoldirib, birinchi o`rinni qo`lga kiritishdi. Goliblar tashkilotchilar tomonidan diplom va esdalik sovgalari bilan taqdirlandilar.
Tadbir, sportchilarni birlashtirgan va ularning sportdagi mahoratini oshirishga xizmat qilgan muhim voqea boldi. Musobaqa davomida yuzaga kelgan sog`lom raqobat har bir ishtirokchi uchun katta tajriba bolib, kelajakda yuqori natijalarga erishish uchun yangi rag`bat bo`ldi. Bu musobaqa yoshlarni sportga bo`lgan qiziqishlarini oshirishga, shuningdek, ularni yutuqlar sari intilishga undadi.
