Talabalarning yashash sharoitlari o‘rganildi
Kirish imtihonlariga tayyorlanish va topshirish kabi hayajonli kunlar ortda qolib, talabalik hayoti boshlandi. Yangi avlod talabalari orasida taʼlim-tarbiya maskanlarining sobiq tarbiyalanuvchilari va oilaviy bolalar uylari farzandlari ham bor. Ularning ko‘pchiligi universitet, kollej yoki kasb-hunar maktabi yotoqxonasida yashay boshladi, bu esa mustaqil hayotga ilk qadam bo‘ldi. Biroq, Milliy gvardiya hozir ham yigit-qizlarni yolg‘izlatib qo‘ymadi. Milliy gvardiya xodimlari talabalarga yangi joyga ko‘nikishlari, o‘quv adabiyotlari va o‘qish uchun zarur bo‘lgan buyumlarni olishlariga yordam bermoqda. Shu tariqa, Milliy gvardiya Farg‘ona va Surxondaryo viloyatlari bo‘yicha boshqarmalari harbiy xizmatchilari deyarli barcha taʼlim muassasalarida bo‘lib, yotoqxona, yuvinish xonasi, hojatxona, oshxona jihozlarining sanitariya-gigiyena meʼyorlariga muvofiqligini tekshirdilar. Kamchiliklar aniqlangan joylarda ularni bartaraf etish choralari ko‘rildi, buning uchun tegishli hujjatlar rasmiylashtirilib, rahbariyatga maʼlum qilindi hamda manfaatdor xizmat va tashkilotlarga ko‘rsatmalar berildi.
